Dduje Paradise Testo

Duie viecchie prufessure 'e cuncertino,'nu juorno ,nun avevano che fa
pigliàino 'a chitarra e'o mandulino ,e mParaviso jètteno a sunà
Tuppe ttù, San Piè , arapite, ve vulimmo divertì...
site 'e Napule? Trasite e facìtece sentì...
V'avimm' 'a fà sentì ,ddoje tre ccanzone, ca tutto'o Paraviso haddà cantà:
suspire e vase , musica e passione: robba ca sulo a Napule se fa.
E'a sera 'mParaviso se cantaje,e tutte'e Sante jètteno a sentì !'O repertorio nun ferneva maje; Carmela,'O sole mio ,Maria Marì!...
Ah San Piè, chesti ccanzone sulo Napule 'e ppò ffà...Arapite stu balcone! 'A sentite 'sta città?...
E sott' 'o sole e'a luna vuie sentite sti vvoce ca so voce 'e giuventù.
Si po' scennite llà- nun 'o ccredite ? - Vuje 'mParaviso nun turnate cchiù!

Ma , doppo poco , d' 'a malincunia 'e viecchie se sentetteno 'a piglià.
Suffrèvano'nu poco 'e nustalgia e a Napule vuletteno turnà.Mo , San Piè , si permettite, nuje v'avimm' 'a salutà.Site pazze! Che dicite? Nun vulite restà ccà?
Nuje simmo 'e 'nu paese bello e caro ca tutto tene, enun se fà lassà: Pusilleco... Surriento... Marechiaro... 'O Paraviso nuosto è cchillu llà!