Romance Testo

Voulles contar unha historia
Duns amores desgraciados
El un mociño valente
Garrido, viril e lanzal
Tomou amores con Rosa
Rapaza bonita e formal
Paxariño da abeleira
Debes levar un mandado
E dicir á miña Rosa
Que non estou namorado
O paxaro que é pequeno
Leva as palabras de dor
Colle a carta no peteiro
E comeza o seu voo
Entregou a carta a Rosa
Que traía dende Paris
«Se ti a min non me queres
eu tampouco che quero a ti
podes buscar unha moza,
outro amor vive por min ».