Television Testo

L'è capitaa tücoos in quéla televisiòn
e la vardàvum al bar traa là in söl bancùn,
facc in biaanch e negru che i passàven a manétta,
el muund in biaanche e negru in quéla scatulétta,
Prema ghe n'é vön che canta una canzòn
e dopu i suspenden la trasmissiùn,
hann cupàa un Presideent, pulizia - che casòtt -
soe una machina a Fallas, senza la capòt
Hann dii che l'era bràvu, hann dii che l'era bònn,
però i g'hann sparaa giù de'n balcòn,
hann dii che l'era bravu e l'ha faa tanti prumess
e tanti americani i piàngen ammò adéss
Televisiòn, quanti dé quanti nòcc sö quii pultrùnn
Televisiòn, quanti nocc quanti dé cun quél butòn
E noen in Italia viagiàvum in Cinceent
e cambiàvum tanti ròpp a segùnda del veent,
rüvàva el carosello cun tücc i nuvità
che noen el dé dopu nàvum a crumpà
el Papa de Bérgum che parlàva cume noen
g'a faa fina sugnà de vés püssé bòn,
ancamò incöö che i henn passàa tanti ann,
in cà di italiani gh'è ammò el Papa Giuvànn,
magari pugiàa sura la televisiòn
mentre parlen de Sanremo, de guéra o de balòn
Televisiòn.....
E quanti bei film al lünedé de sira,
John Uéin cupàva tücc senza gnaa ciapà la mira,
e quanti Maik Bongiorno al giuvedé de sira,
se te séret la risposta purtàvet a cà la lira
E quaand che i partiit i henn diventaa a culuu,
l'é staa cumé quaand dopo la pioggia rüva el suu
e alura tütt el muund a l'era deent in quéla bàla,
cun la televisiòn in dell'uffizzi o in de la stàla
vusàvum e bevévum cumé tanti rembambii,
convinti che anca l'arbitro el pudéva sentì
E i naven in sö la loena e i purtàven a cà i sàss
e in giir in sö la Téra segütàven a cupàss
Televisiòn, ...
Ho vedüü tütt el muund e tücc i città
setàa giù in poltrona, saraa deent in cà
Ho vedüü tücc i ròpp che han vurüü famm vedé,
ho savüü tücc i ròpp che hann vurüü fàmm savé,
g'ho scià el telecomando e g'ho piö de levà sö
ma urmai l'é tropp tardi, urmai en pùdi piö
perchè i nàven sö la loena e i purtàven a cà i sàss
e in giir in sö la Tera segütàven a cupàss