Alle Messi Testo

Testo Alle Messi

ride e coce lu sule preputente
e dice ca è binutu a nnui lu state
le spiche te lu cranu su siccate
e nu munnu te canti se risente

suntu li canti te li messaluri
a mmenzu alle fatiche e lli suduri
e cantane cusì spica ta cranu
quistu è lu pane ca te face sanu

quistu è lu pane ca te sazia prestu
dimmelu propriu tie fiureddru crestu
quistu è lu pane ca te sazia prestu
dimmelu propriu tie fiureddru crestu

la fauce mete e cade a picca a picca
quiddru maru te cranu cusì stisu
addru nu resta ca la paia sicca
e quarche stelu giallu ncora tisu

e cantane cusì fiuru te sita
comu lu cranu sicca quista vita
e cantane cusì foja te vina
de stu cranu ne avimu la farina

purgule saie te lu nostru corpu
e cantane cusì fiuru te scorpu
e cantane cusì spica te cranu
quistu è lu pane ca te face sanu

quistu è lu pane ca te sazia prestu
dimmelu propriu tie fiureddru crestu
purgule saie te lu nostru corpu
e cantane cusì fiuru te scorpu
Artisti per lettera
a b c d e f g h i j k l m n o p q r s t u v w x y z 0 1 2 3 4 5 6 7 8 9
Privacy Policy
Privacy & Cookie Policy