Palazziello Testo

Chillo facesse
fuoco fuoco fuoco...
e po' curresse
vico vico vico
si na risposta:
"Scenne a n'atu ppoco!"
fosse 'o signale
ca se vò' fá vedé...
Gente,
guardáte chistu giovane
comme
se perde pe' na femmena!
Chella è nu palazziello senza scala,
chella è nu bastimento senza vela...
Si pure ce mettimmo na parola,
vó' stá sola...
nun c'è che fá.
Chella è nu palazziello senza scala.
Isso 'a vó' bene
tanto tanto tanto...
Essa nun sente
niente niente niente...
Isso mo tene
ll'uocchie 'nfuse 'e chianto...
Essa mo dice:
"Che mme ne 'porta a me!"
Gente,
ma si nun se capacita,
comme
se sbroglia stu gumitolo?
Chella è nu palazziello senza scala,
chella è nu bastimento senza vela...
Si pure ce mettimmo na parola,
vó' stá sola...
nun c'è che fá.
Chella è nu palazziello senza scala.
..................................................

Finale:
Nun 'o vò' bene!
Nun ce sta niente 'a fá!
Chella è nu palazziello senza scala!