A Muntagna Testo

beddhra te l'aggiu fatta na capanna
cu nu te possa cocere lu sule
te nanzi t'aggiu posta la muntagna

te retu t'aggiu poste tante viole
passa nu giovinottu e me ddummanna
te ddru l'hai ute tie mo tante viole

jeu l'aggiu ccote supra ddra muntagna
a ddru se spanne lu raggiu d'amore
na piaga a lu miu core me facisti

la vera gelusia me strugge a 'mpiettu
cu lle fiamme d'amore sta cumbattu
nina famme llivare ogni suspettu

culure te cristianu nu nne tene
culure te nna serpe 'nvilinatu
nu sacciu comu l'aria lu mmantene

beddru le case toi su nnu cumentu
cinca le vite se rrumane a 'ncantu
le porte d'oru e li muri d'argentu

le finesceddre te metallu biancu
ca imu ffa' nnu longu parlamentu
cu lla matonna e llu spiritu santu