Want Fi Goh Rave Testo

him seh:
yÝ´u noh si mi situation
mi donÝ´t have noh accamadaeshan
mi haffi sign aan at di station
at six in di eveninÝ´
mi seh mi life got no meaninÝ´
ah jusÝ´ livinÝ´ widout feelinÝ´

still
mi haffi mek a raze
kaw mi come af age
an mi want fi goh rave

I woz
waakin doun di road
annadah day
wÝ´en ah hear annadah yout-man say

him seh:
mi naw wok fi noh pittance
mi naw draw dem assistance
mi use to run a lickle rackit
but wha, di police dem di stap it
an ah had woz to hap it

still
mi haffi mek a raze
kaw mi come af age
an mi want fi goh rave

I woz waakin doun di road
yet annadah day
wÝ´en ah hear annadah yout-man say

him seh:
mi haffi pick a packit
tek a wallit fram a jackit
mi haffi dhu it real crabit
anÝ´ if a lackit mi haffi pap it
anÝ´ if a safe mi haffi crack it
ar chap it wid mi hatchit
but
mi haffi mek a raze
kaw mi come af age
an mi want fi goh rave